Saturday 28 February 2015

జఫ్ఫా... తెలుసా?

జఫ్ఫా.. ఈ పదాన్ని వినని వారే ఉండరేమో!  కానీ దాని పేరుమీద పండ్లు.. కేకులు.. మ్యూజిక్ బాండ్.. క్లాక్ టవర్ ఇలా ఎన్నో ఉన్నాయి.. తెలుసా?


ప్పుడు ఎవరినోట విన్నా.. ఎక్కువగా వినపడుతోన్న పదం (వాడో జఫ్ఫాగాడు.. ఎక్కువగా ఈ పదం వినిపిస్తుంది) ఇది. ముఖ్యంగా చిన్నపిల్లలు ఎక్కువగా వాడడం చూడొచ్చు. అది సినిమా ప్రభావమే అనుకోండి. సినిమా కంటే కూడా బ్రహ్మానందం ప్రభావం అని చెప్పొచ్చు.

అసలు ఈ పదాన్ని ఆయనే వాడారా లేదా ఎవరైనా రచయిత రాశారా అని తెలుసుకోవాలని ఉండేది నాకు. దాని ఉచ్చారణే అందుకు కారణమై ఉండొచ్చు. పైగా దానికో అర్థం ఉండదని నాకు గట్టి అభిప్రాయం కూడా ఉండేది. అలా తెలుసుకునే ప్రయత్నంలో ఒక స్నేహితురాలి ద్వారా తెలుసుకున్న విషయాలే ఇవి...!

అర్థం ఏంటంటే...

 

అర్బన్ డిక్షనరీ ప్రకారం.. జఫ్ఫా అంటే- నపుంసకుడు అని అర్థం.

మనం అంటే తెలుగు వాళ్లం- తెలివి తక్కువ వాడు అనే అర్థంలో వాడుతున్నాం. దీనికి అన్యాయం అనే అర్థం కూడా ఉంది.
జఫ్ఫా పేరుతో 2009లో ఒక ఇజ్రాయల్ సినిమా కూడా వచ్చింది. తెలుగులో 2013లో వచ్చింది (బ్రహ్మానందం ప్రధాన పాత్రగా వచ్చిన విషయం తెలిసిందే).

జఫ్ఫా తెలుగు సినిమా






 జఫ్పా.. ఆరెంజ్


వీటిని పాలస్థీనా రైతులు సాగు చేస్తున్నారు. షామౌటీ ఆరెంజ్ అని వీటికి మరో పేరుంది. 19వ శతాబ్దం మధ్యనుంచి వీటిని సాగు చేస్తున్నారు. చాలా తీయగా,  విత్తనాలుండకపోవడం వీటి ప్రత్యేకత.  చర్మం మందంగా ఉండడం కారణంగా ఎగుమతికి చాలా అనువుగా ఉంటాయట. ఈ నారింజలకు వాటిని మొదట పండించిన ప్రదేశం పేరు (జఫ్ఫా) ఆధారంగా జప్ఫా ఆరెంజ్ అని పేరు. ఈ రకం నారింజలను మధ్య ప్రాచ్యంలోని సిప్రస్, ఇరాక్, లెబనన్, సిరియా, జోర్దన్, టర్కీల్లోనూ పండిస్తున్నారు.


ఈ నారింజలు గుండ్రంగా, మందమైన చర్మం, ముదురు నారింజ వర్ణంతో ఉండి ఎక్కువ కాలం నిల్వ ఉంచడానికి సాధ్యమయేలా ఉంటాయి.  అందుకనే ఎగుమతికి చాలా అనుకూలంగా ఉంటాయి.
రష్యా, అమెరికా వంటి చాలా దేశాల్లో వీటికి మంచి గిరాకీ. పాలస్తీనా రైతులు ఈ రకం నారింజలను 19వ శతాబ్దం మధ్యలో చైనా సినెసిస్ అనే తీపి నారింజ నుంచి అభివృద్ధి చేశారు.  

జఫ్ఫా.. ఇన్ స్టిట్యూట్..


ఈ సంస్థను 1982లో ఇజ్రాయెల్ లో స్థాపించారు. దీని అసలు పేరు ద ఇన్ స్టిట్యూట్ ఫర్ అడ్వాన్స్మెంట్ ఆఫ్ ఎడ్యుకేషన్. ఇదో ప్రైవేటు, నాన్ ప్రాఫిట్, మల్టీ సర్వీస్ సోషల్ ఏజెన్సీ.


సౌత్ టెల్ అవైవ్, బాట్యమ్ లో చాలామంది తల్లిదండ్రులు, పిల్లలను సంరక్షించేవారు నిరుద్యోగులే. దీంతో పిల్లలకు సరైన శారీరక, మానసిక సంరక్షణ కరవైంది. చాలామంది పిల్లలు నిర్లక్ష్యానికీ, దాడులకు గురవుతున్నారు. మరికొందరు సంఘవిద్రోహులుగా మారుతున్నారు. దీంతో ఈ సంస్థ అలాంటి పిల్లల సంరక్షకులను, తల్లిదండ్రలను కలిసి, మాట్లాడి ఆ పిల్లల అవసరాలన్నింటినీ తీరుస్తోంది. తిండి దగ్గర్నుంచి ఎమోషనల్ కౌన్సెలింగ్, ఆరోగ్య సంరక్షణతోపాటు వారి విద్య విషయంగానూ ఈ సంస్థ సాయం అందిస్తోంది. సురక్షిత, భద్రతతోకూడిన బాల్యాన్ని అందించడమే ఈ సంస్థ లక్ష్యం.

జఫ్ఫా.. కేక్స్

 


బిస్కెట్ సైజులో ఉండే ఈ కేకులను మెక్ విటే అండ్ ప్రైస్ 1927లో యూకేలో ప్రవేశపెట్టారు.  వీటిలో జఫ్ఫా ఆరెంజ్ కేకులు ప్రసిద్ధమైనవి. రెండు పొరలుగా ఉండే స్పాంజి కేకుల మధ్యలో ఆరెంజ్ ఫ్లేవర్ జెల్లీని ఉంచుతారు. వీటన్నింటినీ కలుపుతూ పైన చాక్లెట్ కోటింగ్ ఉంటుంది. మధ్యలో ఉంచిన జెల్లీ కారణంగా వీటికి ఈ పేరు వచ్చింది.

 

 

ఆర్ట్స్ విభాగంలోనూ..


1.    జఫ్ఫా (2009)- ఓ ఇజ్రాయెల్ సినిమా, డైరెక్టర్ కెరెన్ ఎడాయా
2.  జఫ్ఫా (2013) - తెలుగు సినిమా, డైరెక్టర్- వెన్నెల కిషోర్
3.  జఫ్ఫా (స్టార్ గేట్)- ఎ ఫిక్షనల్ రేస్
4. జఫ్ఫా ఎంటర్ టైన్మెంట్- ఎ బ్రిటిష్ ఫిల్మ్ అండ్ టెలివిజన్ ప్రొడక్షన్ సంస్థ
 5. జఫ్ఫా రోడ్ (బ్యాండ్)- కెనడియన్ మ్యూజిక్ గ్రూప్
6. జఫ్ఫాస్ (కాండీ)- ఆరెంజ్ ఫ్లేవర్డ్ కాండీ ఇన్ కెనడా
7. జఫ్ఫా (సాఫ్ట్ డ్రింక్)- పాపులర్ ఇన్ స్కాండివేనియా


ఇవే కాదు సౌత్ ఆస్ట్రేలియా, ఇజ్రాయెల్, జెరూసలెంలోనూ జఫ్పా పేరుతో ప్రదేశాలున్నాయి. జఫ్ఫా గేట్ మిల్, జఫ్ఫా క్లాక్ టవర్ ఇంకా మరెన్నో అదనంగా కనిపిస్తాయి.

జెరూసలెంలోని జఫ్ఫా క్లాక్ టవర్

జఫ్ఫా గేట్ మిల్..

 సో  ఇకనుంచి జఫ్ఫాని ఒక పదంగానో.. తిట్టుగానో తీసిపారేయలేమన్నమాట!  

‘వి’జయమేనా? (‘వి’ సినిమా రివ్యూ)

  నానీ విలన్ , సుధీర్ హీరో సినిమా యూనిట్ చెప్పిన మాట / వచ్చిన టాక్ సినిమాపై ఆసక్తిని కలిగించింది . నేచురల్ స్టార్ అయినా ఎప్పుడూ పక్కింటి...