మారథాన్ లో గెలవడం మామూలు విషయమే.. మహిళలు గెలవడమూ సాధారణమే. కానీ ఆరుపదుల వయసులో.. చీరకట్టులో.. అదీ చెప్పులు లేకుండా! శెభాష్ అనకుండా ఉండగలరా ఎవరైనా? లతాకారే.. ఫేస్ బుక్, న్యూస్ పేపర్లలో ఇప్పుడీమే గురించే హల్ చల్ జరుగుతోంది.
గెలుపంటే ఎవరికైనా మోజే.. కానీ ఈమెది మోజు కాదు.. ఒక సంకల్పం. హృద్రోగ సమస్యతో బాధపడుతున్న తన భర్త వైద్యం కోసం ఈమె ఈ సాహసానికి ఒడిగట్టింది. మారథాన్ లో గెలిచిన వారికి ఇచ్చేది పెద్ద మొత్తమేం కాదు. అయినా ఎంతోకొంత సాయపడదా అనుకుని మరీ పాల్గొనింది. చిన్న చిన్న లోపాలను చూసుకుని నిరాశలో కూరుకునిపోయే యువతకు ఈమె స్ఫూర్తి అనడంలో సందేహం ఉండదేమో..!